رَسانک نیوز
سئے شَمبِهئے رۆچا ۹ بهمن ۱۴۰۳، یک بلۆچ جهمنندے که دئے ماهئے دومی رۆچا، سلاهبندێن مردمانی دستا که گۆن زاتی درێسێن و بے سیم و سلاه والا بوتگ‌اَنت دُزّگ بوتگ، پد چه چُنت هپتگئے بے هبری، چۆ که دُزّانی دستا آزات کنگ بوتگ، تیرانی آماچ بوتگ و چه پادئے نێمگا ٹپّیگ و تسادپئے گۆما آییئے لگن پُرشتگ.
اے بلۆچ جهمنندئے پجّار (یاسین بامری)، پنڈۆکئے چُکّ و کلانزهورئے هلکئے مردم چه دلگانئے دمگان گوَشگ بوتگ.
یاسین که دلگانا لئوازم یدکی و ماشینی گێرێجیا کارا بوتگ، سلاهبندێن مردمانی دستا که وتارا اتلاهات نیروش گوشتگ آوار جتگ بوتگ و نامالومێن جاهے برگ بوتگ، پد چه آییئے دُزّگا، آییئے لۆگئے مردمان پهکێن سرکاری و امنیتی جُنز و کلانتری جُست کرتگ‌اَنت بله هچ کسا آییئے آوار جنَگئے هال گۆن نبوتگ.
پد چه ۳۷ رۆچ بے هبری، دُزّان یاسین گوَشتگ که بتچیت بله کمّکا رَند آییئے نێمگا تیرگواری کُرتگ و پدا گۆن ماشینئے گۆما آییئے سرا شتگ‌اَنت که همے سئوبا، چه پادئے نێمگا تیرانی آماچ بوتگ و گۆن دُزّانی تسادپئے گۆما آییئے لگن پُرشتگ.
گوَشگ بیت که پد چه آییا، دُزّان یاسین نێکشهرئے نادراهجاها بُرتگ و اۆدا وئیلش کُرتگ و چه اۆدا شتگ‌اَنت. چه سلاهبندێن مردمانی پجّارا و آیانی سئوبا تنیگت هالے نێست.
گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.
Be the first to comment