مهرستانا یک بلۆچ جهمنندے گۆن سلاهبندێن مردمانی تیرگواریان ٹپّیگ بوتگ

رَسانک نیوز

جُمَهئے رۆچا ۵ بهمن ۱۴۰۳، یک بلۆچ جهمنندے کاپه بلۆچیئے هلکا مهرستانا سلاهبندێن مردمانی دستا تیرانی آماچ بوتگ و جاه په جاه وتی ساهی چه دستا داتگ.

اے بلۆچ جهمنندئے پجّار (الّاه بکش آسکانی)، ۳۴ سالگ، هان مهمدئے چُکّ، سور کُرتگێن و هپت چُکّئے پت و کاپه بلۆچیئے هلکئے مردم چه مهرستانئے شهرا گوَشگ بوتگ.

گوشگی اِنت وهدے که الّاه بکش هلکئے تها رئوگا بوتگ، سلاهبندێن مردمانی دستا تیرانی آماچ بوتگ و بازێن ٹپّان وتی ساهی چه دستا داتگ.

گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.