رَسانک نیوز
یکشَمبِهئے رۆچا ۷ بهمن ۱۴۰۳، زاتی درێسێن اداره اتلاهاتئے نیروان، یک بلۆچ ورنایے ملک آبادئے هلکا سرکئورئے دمگان، بێد چه آمیدگسیئے هُکما آوار جتگ و نامالومێن جاهے بُرتگش.
اے بلۆچ ورنائے پجّار (امیر بلۆچ)، ۱۷ سالگ، رهیم بکشئے چُکّ، چه کۆه ونئے دینی وانگجاهئے نۆدربران، اوریزئے هلکئے مردم چه سرکئورئے دمگان گوَشگ بوتگ.
گوشگی اِنت که اداره اتلاهاتئے زاتی درێسێن نیروان گۆن دو ماشین ملک آبادئے هلکا راه رئوگا بوتگ‌اَنت، امیرش یک کبابیئے دپا تئوار جتگ و وهدے که اے ورنا آییانی ماشینئے کشا شُتگ، بێد چه آمیدگسی هُکما گۆن زۆرئے گۆما ماشینا برگ بوتگ و زاتی درێسێن نیروان آ جاه وئیل کُرتگ و امیرش نامالومێن جاهے بُرتگ.
چه اے ورنائے آوار جنگئے سئوبا تنیگت هچ هالے نێست.
Be the first to comment