نێکشهرا یک مردے که وتی لۆگئے سۆچگ و وتی جنئے کُشگئے سرا متهم بوتگ دزگیر کنگ بوتگ

رَسانک نیوز

سئے شَمبِهئے رۆچا ۲ بهمن ۱۴۰۳، بلۆچستان و سیستانئے انتزامیئے پرماندهئے جانشینا چه یک مردیئے آوار جنگئے هالا که نێکشهرا وتی لۆگی آس جتگ و وتی جنی کُشتگ آییئے دزگیر کنگئے جاری جتگ.

اے نزامی مردا بێد چا اِشیا که چه آییئے پَجّارا هبرے بدنت گوشتی: پد چه آس سۆچی لۆگیا نێکشهرا که سئوب بوتگ یکّے بێران ببیت، پلیسئے کارندهان پَٹّ و پاس کُرتگ. پد چه چارگا زانگ بوتگ که متّهما په زانت لۆگ آس جتگ و همے سئوبا آییئے لۆگئے بانُک کُشگ بوتگ.

اَلیرزا دلیری گوشتگ: پد چه پَٹّ و پاسا، مُتّام پجارگ بیتگ و وتی چێر ٹپتگێن جاها آوار جنَگ بوتگ. مُتّهما پد چه اِشیا که منتگ آمیدگسی جاها دئیگ بوتگ تان پروندهئے کانونی درۆشم آییئے سرا اجرا کنگ ببیت.