میرجاوها چار بلۆچێن جهمنند کشاورزی زمینیئے جێڑهئے سرا کُشگ و ٹپّیگ بوتگ‌اَنت

رَسانک نیوز

دوشمبهئے رۆچا ۱ بهمن ۱۴۰۳، گۆن جێڑهے که کشاورزی زمینیئے سرا تگورئے هلکا چه میرجاوهئے دمگان و اے درگیری چُنت جهمنندئے نیاما گۆن سارتێن سلاها پێش آتکگ سئوب بوتگ کم چه کم سئے مردم کُشگ و یک مردمے ٹپّیگ بوتگ.

دو جهمنندئے پجّار (اَبدل اَلیم گمشادزهی)، ۴۰ سالگ، کامرانئے چُکّ، سور کُرتگێن و چُنت چُکّئے پت و (یوسُپ گمشادزهی)، ۳۰ سالگ، اِزّتئے چُکّ، (نبی گمشادزهی)، کادرئے چُکّ هر سئیێن چه تگورئے هلکئے مردمان چه میرجاوهئے شهرا گوَشگ بوتگ و چه ٹپّیگ بوتگێن جهمنندئے پَجّارا که اَبدُل الیمئے چُکّ‌اِنت تنیگت هالے نێست.

گێشێن هالانی رِدا، پد چه زُهرا کساس ساهت دوا، لهتێن چه تگورئے جهمنندان کشاورزی زمینیئے سرا درگیر بوتگ‌اَنت که اے درگیریئے تها که سارتێن سلاهئے گۆما بوتگ سئوب بوتگ سئے مردم کُشگ و یکّے ٹپّیگ ببیت.