زرآبادا دو بلۆچ جهمنند گۆن جێڑهی تیرگواریان ٹپّیگ بوتگ‌اَنت

رَسانک نیوز

شَمبِهئے رۆچا ۲۹ دئے ۱۴۰۳، دو بلۆچ جهمنند گۆن سلاهبندێن مردمانی تیرگواریان گرکانئے هلکا کاروانئے دمگان زرآبادا ٹپّیگ و نادراهجاها برگ بوتگ‌اَنت.

اے دوێن بلۆچ جهمنندانی پجّار (اهمد سُبهانی)،  ۲۲ سالگ، مهمدئے چُکّ و (مهمد کولکوهی زاهدگ)، ۲۸ سالگ، ناتُکئے چُکّ هر دوێن گرکانئے هلکئے مردم چه زرآبادئے دمگان گوَشگ بوتگ.

گێشێن هالانی رِدا، پێسرا یکّے چه گرکانئے هلکئے شورائے کارندهان چه بندگاهئے کارا گندُک کُرتگ که یکّے چه هلکانی مردمیئے اُرُشئے آماچ بوتگ و پد چه آییا شمبها، ورنایان و هلکئے مردمان جنۆکئے لۆگا په زهرشانی و پسئوئے واستا شتگ‌اَنت که جنۆکئے پتا گۆن کلاشینکُپئے گۆما آیانی نێمگا تیرگواری کُرتگ.

اے تیرگواریئے گۆما، اهمد و مهمود تیرانی آماچ بوتگ‌اَنت که اهمد چه کِتپئے نێمگا و مهمود چا پادئل نێمگا ٹپّیگ و چهبارا امام اَلیئے نادراهجاها برگ بوتگ‌اَنت.

گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.