هیرمندا یک بلۆچ جهمنندے گۆن نزامی نیروانی تیرگواریان کُشگ بوتگ

رَسانک نیوز

شَمبِهئے رۆچا ۲۹ دئے ۱۴۰۳، یک بلۆچ جهمنندے گۆن نزامی نیروانی تیرگواریان [گُلام اَلی داد همدا]ئے ایستگاهئے هلکا هیرمندا تیرانی آماچ بوتگ و وتی ساهی چه دستا داتگ.

اے بلۆچ جهمنندئے پجّار (آسپ ساسولی)، ۳۰ سالگ، هُسئینئے چُکّ، سور کُرتگێن، چار چُکّئے پت و ساسولیئے هلکئے مردم چه هیرمندئے دمگان گوَشگ بوتگ.

گێشێن هالانی رِدا، آسپ گۆن وتی پژو پارسێن ماشینئے گۆما رد بئیگا بوتگ که نزامی نیروان بێد چا پێسری هُشدار و اۆشتارێنگا آییئے نێمگا تیرگواری کُرتگ که آیی تیرانی آماچ بوتگ و وتی ساهی چه دستا داتگ.

گۆن ۲۰۲۳ئے سالائے جم بوتگێن هالان، نزامی نیروانی راستێن تیرگواری سئوب بوتگ که کم چه کم ۱۲۰ بلۆچێن جهمنند کُشگ و ٹپّیگ کنگ ببیت. اِشانی تها ۸۰ کسا وتی ساه چه دستا داتگ و ۴۰ کس ٹپّیگ بوتگ که اِشانی تها ۹ گوَنڈێن چُکّ و ۳ جنێن هست‌اِنت.