رَسانک نیوز
یک بلۆچ جهمنندے که راسکئے نندۆک گوَشگ بوتگ کساس سئے سال پێش په کارئے واستا بنداَباسا شُتگ و تنیگت هچ هالے چه آییا نێست و اے چیزّ آییئے لۆگئے پرێشانیئے سئوب بوتگ.
اے بلۆچ جهمنندئے پجّار (ارشد نوهانی)، ۲۷ سالگ، مدیانئے چُکّ و کستگئے هلکئے مردم چه پیشنئے دمگان و راسکئے شهرا گوَشگ بوتگ.
گێشێن هالانی رِدا، ارشد گۆن وتی زاماتا بندراَباسا شتگاَنت، بله پد چه وهدیا اۆدا گار بوتگاَنت. گۆن آییئے لۆگئے مردمانی پَٹّ و پاسا تنیگت هچ هالے نێست و اے بے هبری آییئے لۆگئے مردمانی پرێشانیئے سئوب بوتگ.
چه کسانیا که چه ارشدا هبرے هالے هستش گۆن مارا رسانکئے گۆما گوانک بکننت.
اولین نفری باشید که دیدگاه مینویسد