شستونا اداره اتلاهتئے زاتی درێسێن نیروانی دو بلۆچئے نێمگا تیرگواری کُرتگ

رَسانک نیوز

یکشَمبِهئے شپا ۹ دئے ۱۴۰۳، اداره اتلاهاتئے زاتی درێسێن نیرو که شمس آبادئے هلکا چه شستونئے دمگا کمینِش کُرتگ بوتگ، بێد چه اۆشتارێنگ و ایست دئیگا دو بلۆچ مکه موتورا سئوار بوتگ‌اَنت، تیرگواریِش کُرتگ.

لهتے هبرانی تها آتکگ که اے دوێن جهمنند بێران بوتگ‌اَنت و آیانی پجّار (همید) و (الّاه بکش) گوَشگ بوتگ.

اے تیرگواری بێد چه امنیتی نیروانی پێسری هُشدارا کنگ بوتگ و امنیتی نیروانی اے گئیر کانونی تیرگواریئے سئوبا چه انگت هالے نێست.

گوشگی اِنت چُنت ده بلۆچ چه بلۆچستانئے دمگان گۆن امنیتی نیروانی گئیر کانونی تیرگواریان تیرانی آماچ بنت و آمیدگسی دزگاه اے نیروانی هِپز کنگئے واستا، هر اشتباه کنۆکیا تنبیه کننت.

گۆن ۲۰۲۳ئے سالائے جم بوتگێن هالان، نزامی نیروانی راستێن تیرگواری سئوب بوتگ که کم چه کم ۱۲۰ بلۆچێن جهمنند کُشگ و ٹپّیگ کنگ ببیت. اِشانی تها ۸۰ کسا وتی ساه چه دستا داتگ و ۴۰ کس ٹپّیگ بوتگ که اِشانی تها ۹ گوَنڈێن چُکّ و ۳ جنێن هست‌اِنت.