پهرها یک بلۆچ ورناهے گۆن سلاهبندێن مردمانی تیرگواریان کُشگ بوتگ

رَسانک نیوز

جُمَهئے شپا ۷ دئے ۱۴۰۳، سلاهبندێن مردمان یک ورناهے پهرهئے تها تیرانی آماچ کُرتگ که آییا گۆن چُنت تیرئے لگّگا وتی ساه چه دستا داتگ.

اے ورناهئے پجّار (اَبدُل مجید درکشان)، ماروپ په آرمان، اکرمئے چُکّ و پهرهئے نندۆک گوَشگ بوتگ.

گوَشگی اِنت که سلاهبندێن مردمان پردئوسی ۱۳ئے هئیابانا اَبدُل مجید راستێن تیرانی آماچ کُرتگ که آییا گۆن سئے تیرئے لگّگا وتی ساه چه دستا داتگ.

چه جنۆکانی جنگئے سئوبا و آیانی پَجّارا تنیگت هالے نێست.

گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.