رَسانک نیوز
جُمَهئے شپا ۷ دئے ۱۴۰۳، سلاهبندێن مردمان سب و سۆرانا، یک بلۆچ جهمنندے تیرانی آماچ کُرتگ که آییا گۆن تیرئے لگّگا وتی ساه چه دستا داتگ.
اے کُشگ بوتگێن جهمنندئے پجّار (نئوید پرکی)، کساس ۳۵ سالگ، دُری هانئے چُکّ و سۆرانئے هلکئے مردم چه سب و سۆرانئے دمگان گوَشگ بوتگ.
چه جنۆکانی هالا و آیانی جنَگئے سئوبا تنیگت هالے نێست.
گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.
Be the first to comment