دُزآپا یک مسیتے که اڈ کنگئے تها بوتگ نزامی نیروانی دستا هراب کنگ بوتگ

رَسانک نیوز

سئے شمبه ۴ دی ۱۴۰۳، امام هُسئینئے مسیت الله آبادئے هلکا چه دُزآپئے دمگان که اڈ کنگئے تها بوتگ نزامی نیروانی دستا کرۆجگ بوتگ.

گێشێن هالانی رِدا، سئے شمبهئے بانگواها نزامی نیروان بێد چه آمیدگسی هُکما کالیئے هلکا دُزآپا اُرش بُرتگ و اے اڈ بئیوکێن مسیتش کرۆتکگ، اے مسیت جاهے اڈ کنگ بوتگ که پێسرترا سردار امانُلّاه باجیزهی بکشایتگ بوتگ و اے مسیتئے اڈ کنگ پد چه اشیئے وپات کنگا آییئے چُکّا و آییئے جهمنندئے دستا سردار جلیل باجیزهی بندات کنگ بوتگ.

گوَشگی اِنت که سردار امانُلّاه باجیزهی پد چه دُزآپئے هۆنێن جمهئے جنایتان که ۸ مهر ۱۴۰۱ امنیتی نیروانی دستا پێش آتکگ و پدا ۳ آزر ۱۴۰۱ گۆن زاتی درێسێن نیروانی دستا گۆن تیرگواریان کُشگ بوتگ. پێسرا هم آییئے چک هامد باجیزهی گۆن امنیتی نیروانی اُرش برگا مان آییئے لۆگا آوار جنَگ بوتگ و پد چه دو هپتگا که اداره اتلاهاتئے نیروانی دستا بندیگئے تها بند بوتگ ۱۴۰۱ئے مهر ماهئے بیست و پنچمی رۆچا گۆن جنَگ و چۆپگا و گۆن چُنت تیرئے گۆما کُشگ بوتگ.