رَسانک نیوز
شَمبِهئے رۆچا ۱ دی ۱۴۰۳، شستونا سپاه سجادئے نیروان چاه شاهیئے هلکا شمس آبادئے دمگان یک لۆگیئے سرا اُرش بُرتگ که کم چه کم یک بلۆچ جهمنندے گۆن سپاه پاسدارانی نیروانی تیرگواریان وتی ساه چه دستا داتگ و دگه دو مردم ٹپّیگ و آوار جنَگ بوتگ‌اَنت.
کُشگ بوتگێن بلۆچئے پجّار (رهیم هاکیزهی)، ۳۳ سالگ، گل مهمدئے چُکّ، سور کُرتگێن و آ گه دۆێن مردمانی پجّار (اَلی هاکیزهی)، ۲۷ سالگ، لال بکشئے چُکّ، سور کُرتگێن و (امین هاکیزهی)، کساس ۲۶ سالگ، رهیمئے چُکّ گوَشگ بوتگ.
گێشێن هالانی رِدا، سجادئے سپاه پاسدارانئے نیروان یک بلۆچ جهمنندیئے لۆگا چاه شاهیئے هلکا گۆن سلاهبندێن مردمانی آوار جنگا اُرش بُرتگ که گۆن اِشانی تیرگواریان یک مردمیا وتی ساه چه دستا داتگ و دگه دو مردم ٹپّیگ و آوار جنگ و نامالومێن جاهے برگ بوتگ‌اَنت.
گوَشگ بیت که رهیم کساس ده سال پێسرا گۆن نزامی نیروان درگیر بوتگ و آییئے لۆگئے مردمان چه ده مردم کُشگ بوتگ که آییئے دو برات (لال بکش و امین) کُشگ بوتگ‌اَنت و همے واستا رهیم گار بوتگ و نزامی نیرونی چمّانی چێرا و چێرکانو زندگی کنگا بوتگ.
Be the first to comment