شستونا آسپیچئے شهرا سوپر مارکتا سلاهبندێن مردمان په دُزّیئے واستا اُرُش برتگ

رَسانک نیوز

پنچشَمبِهئے  رۆچا ۲۲ آزر ۱۴۰۳، سلاهبندێن مردمان یک سوپر مارکتیا آسپیچئے شهرا  شستونا اُرُش برتگ دُکّان والائے دستش بستگ و آییش جتگ و پد چه آییئے تهدید کنگا آییئے دُکّانئے چیزش برتگ‌اَنت.

اے دُکّان والائے پجّار (جاوید دهواری)، آسپیچئے نندۆک گوَشگ بوتگ.

اے دُکانئے دوربینانی گپتگێن ویدئوا، سه سلاهبندێن دُزّ گۆن کلاشینکپێن تُپنگا، کلت کمری و چانکوا دُکّانا اُرُش و دُکّان والاێش تهدید کُرتگ و آییئے دستِش بستگ و جتگش و بازێن چیزّے چه دُکّانئے چیزّان دُزّتگ و جاهش وئیل کُرتگ.

گوَشگ ببیت که سلاهبندێن دُزّیانی گێشی و بلۆچستانئے شهرانی ناامنی چُش بئیگا اَنت که دوێن گوستگێن سالان چُنت سَد نزامی و امنیتی نیرو، نزامی ماشین، چُنت ملیارڈ بودجه په امنیتی و نزامی نهادانی واستا چه هکومتئے نێمگا هاس کنگ بوتگ.