دُزآپ و واشئے ده مردم گۆن اتوبوسئے تسادپ کنگا گۆن یک وانتیا کُشگ و ٹپّیگ بوتگ‌اَنت و لهتی ماشینا هم چپّ کُرتگ

رَسانک نیوز

سئے شَمبِهئے شپا ۲۰ آزر ۱۴۰۳، دُزآپا و واشئے راه یک اتوبوسیئے چپّ رئوگئے گۆما سئوب بوتگ که گۆن تویوتا وانتے گۆما بلگّیت که اشیئے سئوبا چار مردم چه وانتئے ماشینا بێران بوتگ و شش مردم چه اتوبوسئے مساپران ٹپّیگ بوتگ‌اَنت.

چه بێران بوتگێن و ٹپّیگ بوتگێن مردمانی پَجّارا تنیگت هالے نێست.

گێشێن هالانی رِدا، کساس ساهت هشت و چل و پنچ دکیکتا مساپربری اتوبوس که چه دُزآپا در بوتگ چه وتی راها درایگئے سئوبا گۆن وانتێن ماشینیئے گۆما ڈیکّ وارتگ و هر دوێن ماشین چپّ بوتگ‌اَنت.

گوشگ بیت که اتوبوسا زنونێن لامپ مان بوتگ که بازێن روژناییئے سئوبا که گئیر کانونی سرا بازێن ماشینیئے سرا پَر اِنت و انّوگان یکّے چه بلۆچستانئے تسادپانی سئوب بوتگ.