رَسانک نیوز
سئے شَمبِهئے رۆچا ۲۰ آزر ۱۴۰۳، یک بلۆچ جهمنندے رجاییئے هئیابانا دُزآپئے شهرا گۆن سلاهبندێن مردمانی تیرگواریان تیرانی آماچ بوتگ و سکّ ٹپّیگ و نادراهجاها هاسێن جاها برگ بوتگ.
اے بلۆچ جهمنندئے پجّار (سیید شاگزی)، مهمدهانئے چُکّ و دُزآپئے نندۆک گوَشگ بوتگ.
گێشێن هالانی رِدا، سلاهبندێن مردمان رجاییئے هئیابانا دُزآپئے شهرا سییدش تیرانی آماچ کُرتگ که آییا گۆن چُنت تیرئے لگّگا ٹپّیگ و گۆن بێهۆشیا نادراهجاهئے آی سی یوا برگ بوتگ.
چه جنۆکانی جنگئے سئوبا و آیانی پجّارا تنیگت هالے نێست.
گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگاَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هستاِنت.
اولین نفری باشید که دیدگاه مینویسد