رَسانک نیوز
شَمبِهئے رۆچا ۱۷ آزر ۱۴۰۳، بازێنے چه زهرشانی کنۆکێن جهمنندان روتکئے هلکا چه میرجاوهئے سیمسرئے بند بئیگ و مردمانی کسب و کارئے بند بئیگئے سئوبا دُزآپا آزادیئے مئیدانا بلۆچستانئے استانداریئے نزّیکا مُچ بوتگ.
گوشگ بیت که گۆن چُنت هپتگئے گوَزگا روتکئے سیمسرئے بند بئیگه چه میرجاوهئے دمگان، امنیتی و هکومتی اُگدهدار چه سیمسرئے درانی پچ کنگا بێد چه اِشیا که مردمانی بێکاریا بچاریت دوری کنگا اِنت.
گێشێن هالانی رِدا، بازێنے چه اے هلکانی مردمان چۆ واش و میرجاوه و شستون و دُزآپئے نردمان کار و بار همے سیمسرئے تها اِنت و آییئے بند بئیگ هاترا چُنت هزار مردم بێکار بوتگ.
گوشگ ببیت که پێسرا لهتے چه امنیتی اُگدهداران اے کئول داتگ بوتگ که سیمسر پچ ببیت بله گۆن دو هپتگئے گوزگا، انگت مردمان رئوگ و آیگئے اجازت ندئیگا اَنت.
Be the first to comment