میلکئے سیمسرا بلۆچێن کولبر نزامی نیروانی دستا جنَگ و چۆپگ بوتگ‌اَنت

رَسانک نیوز

پنچشمبهئے رۆچا ۱۵ آزر ۱۴۰۳، سیمسرئے نزامی نیرو آن که میلکئے سیمسرا زابلئے تها بوتگ‌اَنت گئیر کانونی درۆشما بلۆچێن کولبرش جتگ و چۆپتگ‌اَنت.

گوَشگی اِنت زی بازێنے چه کولبران که سیمسرئے پایانها گوَزگا بوتگ‌اَنت، سیمسرئے مامورانی دستا گۆن (آزریان)ئے پَجّارا زاه دئیگ و جنگ و تهگیر کنگ بوتگ.

اے وڑێن هژمی کار که گۆن زاه و جنَگ و چۆپگئے گۆما همراه اِنت هر رۆچ نزامی نیروانی دستا تکرار بئیگا اِنت. لهتے بران، نزامی نیرو په کولبرانی تهدیدئے واستا چه گرمێن سلاهێن سلاها کارمرز کننت و سکّ باز برا آیانی مال و بار اێرانئے رژیمئے نیروانی دستا اۆشتارێنگ بنت.

گێشێن هالانی رِدا که چه ائولئے ۲۰۲۳ئے سالا جم کنک بوتگ‌اَنت، کم چه کم ۳۲۱ کس چه ٹێلکشّێن بلۆچان گۆن وڑ وڑێن وئیلان، کُشگ و ٹپّیگ کنگ بوتگ‌اَنت که نزامی نیروانی راستێن تیرگواریانی تها ۲۸ ٹێلکشّا وتی ساه چه دستا داتگ و ۱۷ کس ٹپّیگ بوتگ. جادهی وئیلانی تها هم ۱۹۴ کس ٹپّیگ بوتگ. نامالومێن مردمانی تیرگواریان هم ۸ کسا وتی ساه چه دستا داتگ و ۲ کس ٹپّیگ بوتگ. دگه وئیلانی تها چۆ هار، آس سۆچی ٹێلئے ڈیپوئے تها و یک دگه نامالومێن مئوردے تها هم کم چه کم ۱۴ کس ٹپّیگ و بێران بوتگ.