پهرها یک بلۆچ جهمنندے سلاهبندێن مردمانی دستا دُزّگ بوتگ

رَسانک نیوز

چارشمبهئے رۆچا ۱۴ آزر ۱۴۰۳، یک کسانێن ۱۳ سالگێن چُکّے ولایتئے هئیابانا پهرها دئولت آبادئے هلکا سلاهبندێن مردمانی که ماشینا سئوار بوتگ‌اَنت دُزّگ بوتگ.

اے بلۆچێن چُکّئے پجّار (مهمد سدرا اربابی)، جاسمئے چُکّ، ۱۳‏ سالگ، پهرهئے مردم و کلاس هپتئے نۆدربرے گوشگ بوتگ.

گێشێن هالانی رِدا، چارشمبهئے اَسُرا وهدے که مهمد سدرا گۆن وتی یکّے چه همکلاسیان، چه وانگجاها لۆگا رئوگا بوتگ، سلاهبندێن مردمانی دستا گۆن زۆرئے گۆما ماشینا سئوار کنگ بوتگ و چه اے هبرئے لکّگئے وهدا هچ هالے چه آییا نێست.

گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.