یک بلۆچ جهمنندے که واشئے اداره اتلاهاتئے نیروانی دستا آوار جنَگ بوتگ پد چه ۷۲ رۆچا آزات بوتگ

رَسانک نیوز

سئے شَمبِهئے رۆچا ۶ آزر ۱۴۰۳، یک بلۆچ جهمنندے که واشا آوار جنَگ بوتگ، پد چه ۷۲ رۆچئے گوَزگا، گۆن سندئے گۆما دُزآپئے بندیگا هدارکی سرا آزات کنگ بوتگ.

اے بلۆچ جهمنندئے پجّار (شکور اهمدزهی)، ۲۰ سالگ، نادرئے چُکّ و واشئے نندۆک گوَشگ بوتگ.

گوشگی اِنت که یکشَمبِهئے رۆچا ۲۵ شهریور ۱۴۰۳، شکور گۆن اداره اتلاهاتئے نیروانی اُرُش برگا آییئے کارئے تها یک دُکّانیا واشئے تها بێد چه گوَشگ و آمیدگسی هُکما آوار جنَگ و نامالومێن جاهے برگ بوتگ.

گێشێن هالانی رِدا، کساس ساهت ششا، شکور واشا رودکیئے شهرا یک دُکانیا، اداره اتلاهاتئے نیروانی دستا که گۆن زاتی پلاکا اُرُش بُرتگ، بێد چه هبریا و یا آمیدگسی هُکما آوار جنَگ و نامالومێن جاهے برگ بوتگ.

چه اے بلۆچ جهمنندئے آوار جنگئے سئوبا هچ هالے نێست.