بمپورا یک بلۆچ جهمنندے کلانتری ۱۱ئے نیروانی دستا کُشگ بوتگ/نزامی نیروان یک سناریوے آییئے کُشگئے واستا اَڈّ کُرتگ

رَسانک نیوز

پنچشَمبِهئے رۆچا ۸ آزر ۱۴۰۳، یک بلۆچ جهمنندے بمپوار کلانتری یازدها نزامی نیروانی دستا تیرانی آماچ و کُشگ بوتگ، نزامی نیروانی ائولی گزارشئے هلاپا که گوَشتگش آییی سلاهبند بوتگ و کلانتری تها آتکگ و کلانتریئے نیرویی گروگان گپتگ‌اَنت، که وتی ماشینئے مدرکانی واستا کلانتریا آتکگ بوتگ.

اے بلۆچ جهمنندئے پجّار (الیاس نارویی)، ۳۷ سالگ، پرویزئے چُکّ، سور کُرتگێن و دو چُکّئے پت و شمس آبادئے هلکئے مردم چه بمپورئے دمگان گوَشگ بوتگ.

گێشێن هالانی رِدا، پنچشَمبِهئے رۆچا الیاسئے سئواری ماشین بمپورئے کلانتری ۱۱ئے مامورانی دستا اۆشتارێنگ و آییئے مدرک گِرگ بوتگ‌اَنت. الیاس وتی مدرکانی پئیگیری کلانتریا شُتگ بله کلانتریئے تها، ماموران آیی آزار کُرتگ که آیانی رپتار سئوب بوتگ که آییی پسئو بدنت.

الیاس که روهی پشار و اهسابئے و رئوانی مشکلانی واستا چه مامورانی نێمگا پشارئے تها بوتگ، یک منٹیئے تها یکّے چه مامورانی کُلتی گپتگ بله ماموران نئیشتگ که سلاها کارمرز بکنت و آییش لۆگئے دپا بُرتگ و آییئے سرا تیرگواریش کُرتگ.

بمپورئے انتزامیئے پرماندها، گۆن اے جهمنندئے کُشگا، په آییئے کُشگئے سناریوا گوشتگ که [الیاسا کلانتریئے سرا اُرُش بُرتگ و نیرویی گروگان گپتگ‌اَنت.]

گوَشگی اِنت که الیاس کلانتریئے رئوگئے وهدا سلاهبند نبوتگ و مامورانی سناریو و اے گئیر هکیکتێن وئیلئے رئوایتا چه سئوب بوتگ که مردم ناراز ببنت.

گوشگ ببیت که ائولی گزارشئے شِنگیا که رسانکدرانی تها شِنگ بوتگ کساس زُهرئے ساهت دوا یک سلاهبندێن بلۆچ جهمنندے بمپورئے کلانتری یازدها اُرش برتگ و لهتے چه کلانتریئے نیروانی آوار جتگ که گۆن تیرگواریانی تها گۆن چُنت تیرئے ورگگا وتی ساهی چه دستا داتگ، که همے واستا اڈَّ کنگ بیت.