گُلشنئے شهرا یک بلۆچ ٹێلکشے گۆن ماشینئے چپّ کنگا بێران بوتگ

رَسانک نیوز

یکشَمبِهئے رۆچا ۴ آزر ۱۴۰۳، گۆن یک ٹێلکشێن ماشینیئے چپّ کنگا جالکئے شهرا، ماشینئے راننده گۆن بازێن ٹپّان وتی ساهی چه دستا داتگ.

اے بێران بوتگێن بلۆچئے پجّار (ایوب شه بکش)، امانُلّاهئے چُکّ، و چُکّئے واهُند و دُزآپئے نندۆک گوشگ بوتگ.

گێشێن هالانی رِدا، کساس ساهت یازدها، جالکئے پنچ کیلومتریا یک ٹێلکش ماشینے رئوگا بوتگ که چپّی کُرتگ و ایوب بازێن ٹپّانی سئوبا وتی ساهی چه دستا داتگ.

گێشێن هالانی رِدا که چه ائولئے ۲۰۲۳ئے سالا جم کنک بوتگ‌اَنت، کم چه کم ۳۲۱ کس چه ٹێلکشّێن بلۆچان گۆن وڑ وڑێن وئیلان، کُشگ و ٹپّیگ کنگ بوتگ‌اَنت که نزامی نیروانی راستێن تیرگواریانی تها ۲۸ ٹێلکشّا وتی ساه چه دستا داتگ و ۱۷ کس ٹپّیگ بوتگ. جادهی وئیلانی تها هم ۱۹۴ کس ٹپّیگ بوتگ. نامالومێن مردمانی تیرگواریان هم ۸ کسا وتی ساه چه دستا داتگ و ۲ کس ٹپّیگ بوتگ. دگه وئیلانی تها چۆ هار، آس سۆچی ٹێلئے ڈیپوئے تها و یک دگه نامالومێن مئوردے تها هم کم چه کم ۱۴ کس ٹپّیگ و بێران بوتگ.