گِها بلۆچ نۆدربرے دبیرستانئے اُگدهدارئے دستا تنبیه کنگ و نۆدربر ٹپّیگ بوتگ

رَسانک نیوز

دوشمبهئے رۆچا ۲۱ آبان ۱۴۰۳، یک بلۆچ نۆدربرے چه امام همئینیئے دبیرستانا که کلاس دهے بوتگ چه ملۆرانئے هلکئے و نێکشهرئے دمگان مدیرئے دستا که آییئے پجّار ( ا. ر ) گوَشگ بوتگ جانی تنبییه و ٹپّیگ کنگ بوتگ.

اے نۆدربرئے پجّار (مهمد مستپا کدهدایی)، کساس ۱۶ سالگ، مهمدئے چُکّ و ملۆرانی نندۆک چه نێکشهرئے دمگان گوَشگ بوتگ.

گوشگ بیت که دبیرستانئے مدیر، اے نۆدربری اے واستا که تاریخئے کتابا بلد نبوتگ شلنگئے گۆما تنبیهی کُرتگ که آیی چه دستئے نێمگا ٹپّیگ بوتگ.

گوشگی اِنت که آیین نامهئے ۷۷ می وتنگجاهئے اِنزباتی بندا، [هر وڑێن تنبیه چۆ اهانت، جانی تنبیه، لۆگئے کارئے دئیگ مان نۆدربرئے تنبیه کنگئے واستا ممنوع کنگ بوتگ].