دُزآپا کم چه کم یک بلۆچ بندیگیئے اێدامئے هُکم اجرا کنگ بوتگ

رَسانک نیوز

سئے شَمبِهئے سُهبا ۲۲ آبان ۱۴۰۳، کم چه کم یک بلۆچ بندیگیئے اێدامئے هُکم که ۱۹ آبانا دُزآپئے بندیگئے اُگدهدارانی دستا اێوکێن بندیگا برگ بوتگ، اے بندیگا اجرا کنگ بوتگ.

اے بلۆچ بندیگئے پجّار (زکریا اَلیزهی)، ۲۷ سالگ، مهمد اپزلئے چُکّ، سئے چُکّئے پت و گوربندئے مردم چه دُزآپئے دمگان گوشگ بوتگ.

گێشێن هالانی رِدا، زکریا ۱۴۰۰ئے سالا، گۆن مئوادئے جُرما دُزآپا آوار جنَگ بوتگ و چه اے شهرئے انگلابئے آمیدگسا اێدامئے واستا مهکوم کنگ بوتگ.

گوشگ بیت که زکریائے لۆگی مردمان ۱۶ آبانا وتی آهری گِند و نند گۆن زکریایا دُزآپئے مرکزی بندیگا کُرتگ.

گوشگ ببیت که ۲۰۲۳ ئے سالا کم چه کم ۱۸۴ بندیگیێن بلۆچ گۆن وڑ وڑێن جُرمان اێرانئے ۲۶ دگه دگه جاهێن شهران که دُزآپ گۆن ۵۴ کس و بیرجند گۆن ۳۱ کس گێشترێن ابێد انسانی هُکما اێدامئے هُکما مهکوم کنگ و اێدام کنگ بوتگ‌اَنت که اِشانی تها کساس چار جنێن هم هست.