رَسانک نیوز
یکشَمبِهئے رۆچا ۲۰ آبان ۱۴۰۳، گۆن سلاهبندێن مردمانی تیرگواریان چتکانیا سپاهئے برجکئے سرا سیرکانئے هلکا شستونا، کم چه کم ۵ سپاهئے بومی نیرو کُشگ بوتگ.
اے کُشگ بوتگێن نزامی نیروانی پجّار (اَبدُل رهمان بلۆچزهی)، (واهد بلۆچزهی)، (بشیر سپاهی)، (شه بکش بلۆچزهی) و (اَبدُلّاه بلۆچزهی) گوَشگ بوتگ‌اَنت.
همے واستا، منسور بیجار، بلۆچستانئے استاندارا رسانکانی تها گوَشتگ: مئے پَٹّ و پۆل اِشیا گوَشیت که سلاهبندێن مردمان که کساس شپئے ساهت هپتا اُرش برتگ، بلۆچ نبوتگ‌اَنت.
تنیگتا هچ جُنزیا اے اُرش وتی گردنا نگپتگ.
Be the first to comment