رَسانک نیوز
چارشمبهئے رۆچا ۱۷ آبان ۱۴۰۳، اداره اتلاهاتئے نیروان سرباز و راسکئے راها کساس نسیرآبادئے نزّیکا یک بلۆچ جهمنندے که گۆن وتی لۆگئے مردمان رئوگا بوتگ بێد چه هال دئیگا و آمیدگسی هُکما آوار جنگ و نامالومێن جاهے برگ بوتگ.
اے بلۆچ جهمنندئے پجّار (اَبدُلّاه بلۆچی)، ۲۵ سالگ، دادرهمانئے چُکّ و جنتیئے هلکئے مردم چه کیکئورئے دمگان سربازئے شهرا گوَشگ بوتگ.
گێشێن هالانی رِدا، اَبدُلّاه گۆن وتی هلکئے مردم وتی زاتی ماشینئے گۆما نسیرآبادا رئوگا بوتگ‌اَنت که اداره اتلاهاتئے نیروانی آییئے ماشینئے راه بستگ و اَبدُلّاه پپد چه اِشیا اێر گێجگ و نامالومێن جاهے برگ بوتگ و گۆن آییئے لۆگئے مردمانی جُست و پرسا انگت هچ هالے چه آییا نێست.
Be the first to comment