رَسانک نیوز
جُمَهئے رۆچا ۱۱ آبان ۱۴۰۳، چار بلۆچ جهمنند که سب و سۆرانئے مردم اَنت پد چه اِشیا که شستونا شتگ و اے شهرا رستگ‌اَنت و گۆن یک هپتگیئے گوَزگا، هچ هالے چه آیان نێست و آیان تلپون هامۆش اَنت.
اے جهمنندانی پجّار (مهمد رئیسی)، ۲۹ سالگ، آزمئے چُکّ، (ساله پرکی)، (نئوید پرکی)، ۲۸ سالگ، مهمد سالهئے چُکّ، دراهێن شستونئے نندۆک و (زاهد پرکی)، ۲۹ سالگ، دُرهانئے چُکّ و سب سۆرانئے نندۆک گوشگ بوتگ.
گێشێن هالانی رِدا، اے چارێن مردم کساس سُهبئے ساهت چار چه سب و سۆرانا په شستونا شُتگ و پد چه یک ساهتیا آیانی تلپون هامۆش بوتگ و گۆن یک هپتگیئے گوَزگا هچ گوانکے چه آیانی نێمگا په وتی لۆگئے مردمانی واستا نئیاتکگ.
اِشانی سیادانی گوشگئے درۆشما، جُمَهئے رۆچا اداره اتلاهاتئے زاتی درێسێن نیروان پد چه زاتی درگیریا مردم آوار جتگ و اے چارێن مردمانی لۆگئے مردم اے گُمانا کننت که اشانی چک هم امنیتی نیروانی دستا آوار جنگ بوتگ‌اَنت.
گوشگی اِنت که اے چارێن گار بوتگێن مردمانی لۆگئے مردم امنیتی و نزامی جُنزانی کِرّا شتگ‌اَنت بله اُگدهداران هچ پَسّئوے نداتگ و اے کار سئوب بوتگ که آ پرێشان ببنت.
Be the first to comment