رَسانک نیوز
دوشمبهئے رۆچا ۱۴ آبان ۱۴۰۳، سلاهبندێن مردمان شندانئے هلکا سب و سۆرانا یک بلۆچ جهمنندے گۆن آییئے موتورا دُزتگ و پد چه کُشگا، آییئے لاش رێنکوکانئے هلکا وئیل کُرتگ.
کُشگ بوتگێن جهمنندئے پجّار (مُستپا ملازهی)، ۲۱ سالگ، مهمد امینئے چُکّ ماروپ په هسین و شندانئے هلکئے مردم چه سب و سۆرانا گوَشگ بوتگ.
گێشێن هالانی رِدا، سلاهبندێن مردمان مستپا که موتورا سئوار بوتگ وتی هلکئے تها دُزتگ و پد چه تیرئے جنَگ و آییئے کُشگا آییئے لاش رێنکوکانئے هلکا سب و سۆرانا وئیل کُرتگ و آییئے موتور و آییئے چیزّش برتگ‌اَنت که آییئے لاش سئے شَمبِهئے سُهبا ۱۵ آبان رێنکوکانی مردمانی دستا ڈرگێجگ بوتگ.
گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.
Be the first to comment