زالبول ءُ جَنِک چہ مردین ءُ بَچَکاں گیشتر ءُ برے برے جتا جتائیں رنگاں چہ کُدرَتی آپتانی آماچ بنت۔ اے آسراتی ءِ شِدَّت ءِ گوں چاگردی ءُ روزیگی جاوراں دیم پہ دیم اِنت. محرومی، دود ءُ ربیدگ ءِ تابو، جنسیتی کِرد، سَپاہی ءِ کَمّی ءُ خطرناکیں جاه ءُ وڑیں سبب بازیں زالبولانی جیڑہانی بُن ھشت انت کہ آ کُدرَتی آپتانی تہا بنت۔ اے ھر یکے ءِ پَسّو دیگ ءُ جنین آدمانی نزوری ءَ کم کنگ ءِ ھاترا کم مدتی ءُ دراجیں مدتی راہ ءُ درے زورگ بوت کنت۔ بلے چہ ھرچ وڑیں کارے ءَ پیسر اے چیزانی گندگ ءُ پجارگ اَلَّمی اِنت.
محرومی: سیل ءِ وڑیں بلاہانی محرومیں دمگاں گیشتر تباہ کنوکیں اثرے است انت۔دومی نیمگ ءَ محرومی ءُ پَکیری، زالبولاں ءَ چہ مردیناں گیشتر آسراتی ءِ آماچ کنت۔ روزیگی جیڑہ زالبولانی سرا دگہ وڑیں شِدَّت ءَ گوں ہمگرنچ بوت کن انت ءُ زالبولاں ءَ شِدَّت ئے چکر ئا بند بہ کنت، دومی نیمگ ءَ محرومی، چاگرد ءُ سَپاہی ءُ ھاسیں رنگ ءَ جنین آدمانی سرا منفی اثر کَنتت۔ اے رنگ ءَ وھدے کہ بلوچستان ءِ مَلک ءِ وڑیں کم درآمدیں دمگاں سیلاب ءِ وڑیں کُدرَتی آپت ءِ آماچ بیت گڑا بازیں جنین آدم کہ آھانی روزیگی ءُ سَپاہی ءِ جاور ھال شَر نہ اَنت آپت ءِ سبب ءَ گیشتر ٹکر جَنَگ بِنت۔
دود ءُ ربیدگ ءِ تابو: بلوچستان ءِ سیلاب ءِ گوستگیں سالانی تہ ءَ جنین ءُ جَنِک ءِ جاور ھالانی چار ءُ تپاس ءَ چہ اے گپ پدر بیت کہ رو و رْیا ءُ دود ءُ ربیدگ ءِ تابو جنین ءُ جَنِک چہ مردیناں گیشتر ھترہ ءِ آماچ بنت کہ آپَت ءِ وھد ءُ پد ءَ چہ مردیناں گیشتر ھترہ ءِ آماچ بنت۔ راجمان ءِ اے اُمیت چہ جنین آدماں هست انت کہ جاور ءَ اسلامی ءُ رھبند ءَ بہ دار اَنت، چہ ھترہ ءَ رکّگ ءِ وھد ءَ آیانی تہ ءَ المی انت ءُ چست ءُ ایر نہ بیت۔ یا اوگانستان ءَ گوستگیں زمین چنڈ ءَ زالبولانی رکّینگ ءِ کار باز کم شت ءُ لھتیں جاھاں بند کنگ بوتگ پرچا کہ زالبولانی رکّینگ ایوک ءَ محرم ءِ مردینانی ھست بوھگ ءَ ممکن بوتگ۔ دگہ مثالے زالبولاں چہ مردیں ڈاکٹر ءِ گور ءَ روگ ءَ چہ مَنَع اِنت۔ زالبولیں ڈاکٹر ءُ زالبولی ڈاکٹرانی کَمّی ءَ چہ آماچیں دمگاں زالبولاں ھاسیں ھیالداری ءِ رسائی کمتر بیت ءُ اے وڑ ءَ چہ مردینانی گوں گیشتریں شدیدیں دروشماں گوں دوچار کپ اَنت۔۔ اے چیزانی ھوار دود ءُ ربیدگ ءِ تابو جنین ءُ جَنِک وتی رنج ءَ درشان کنگ ءَ ھم بند بنت ءُ اے گپ چہ آھانی لوٹاں گیشتر بے ھیال کنگ ءِ سوب جوڑ بیت۔ اے وهد جنین آدماں چہ اے گپ ءِ گْوشگ ءَ مَنَع بنت کہ آ وتی ماہواری ءِ وھد ءَ اَنت ءُ اے جاور ءَ آھانی ھاسیں لوٹ ھست اَنت.
سَپاہی کَمّی: سَپاہی کَمّی چوشکہ ساپیں آپ، ساپیں چیرپوش، نوار بهداشتی، ضد رێش ایں درمان جنین آدماں چہ مردیناں جتا ءُ گیشتر نادراہ کنت۔ سیستان ءُ بلوچستان ءَ سیل ءِ ھال ءُ اھوالاں ھشدار داتگ کہ بازیں جنین ءُ جَنِک چہ آلودہیں آپ ءُ سَپاہی آسراتی ءِ نہ بوھگ ءَ جنسی اعضاءِ نادراھی ءُ رێش ءَ آماچ بوتگ اَنت۔ چونکہ زالبولانی جیڑہ گیشتر ءِ جاوراں اولیت دیگ نہ بنت، اے جیڑہ ھما وڑ ءَ گندگ نہ بنت ءُ بے شک آیانی گیش ءُ گیوار نہ بیت۔ جنین ءُ جَنِکانی مزنیں کساسے ھاسیں جاوراں چوش کہ ماہواری، گیماری ءُ زھگ ءِ پیداک بوھگ ءَ پد چہ دگہ جنینانی گیشتر نَزور بنت.
جنسیتی کِرد: گیشتر ءُ روایتی رنگ ءَ جنین ءُ جَنِک ھیالداری ءِ کِرد ءَ ذمہ وار اَنت۔ چہ زالبول ءُ ھما کسانیں جَنِکاں ھمے اُمیت اِنت کہ زھگ، پیریں مردم، معذوریں مردم ءُ نادراہیں کہول ءِ مردمانی چار ءُ گُزار ءَ بہ کن اَنت۔ ذمہ واری زالبول ءُ جَنِکاں چہ مردیناں ءَ لوگ ءَ یلہ دیگ ءَ گران کنت ءُ اے وڑا آیاں مردیناں شہ گیشتر گِرَگ بَیَنت۔ آپَت ءَ پد جنسیتی کِرد زالبول ءُ جَنِکاں وتی لوٹ ءُ گرانیں پِکری ءُ جَسَدانکی جاوراں ابید ھم مردیناں چہ گیش دگہ کہول ءِ مردمانی چار ءُ گزار ءِ بار ءَ برداشت کن اَنت ءُ وتی لوٹانی پیلو کنگ ءِ حق ءَ وتی لوٹانی سرا ھیال ءُ لیکہ کنگ ءَ مجبور کن اَنت۔ دگہ کہول ءِ مردم اے گپ ءَ مہ زور اِت ءُ مہ دیم ءَ بیار اِت.
جنسی اُرُش باروا ہشدار: کُدرَتی آپتانی وھد ءُ پد ءَ مردم پہ دمانے ءَ مردم مجبور بنت کہ موقتی جاگہ یا شلوغیں جاگہاں نندگ بہ بنت ءُ امنیں جاہ نا ممکن بیت۔ جھانی شُمارینک ءِ رد ءَ ااے جاوراں جنین ءُ جنکانی جان ھترہ ءِ آماچ اِنت ءُ آھانی سر ءَ اُرُش ءُ زورگا ءُ وڑیں زوراکی ءِ امکان سک باز گیش بیت.
Be the first to comment