تپتانا چار جهمنندێن بلۆچ که آیانی تها یک جن و مردے هم بوتگ گۆن جنَگ و چۆپگ آوار جنَگ بوتگ‌اَنت

رَسانک نیوز

جُمَهئے رۆچا ۱۱ آبان ۱۴۰۳، گۆن نزامی و امنیتی نیروانی اُرش برگ مان گوهرکۆها چه تپتانئے شهرا چار مردم که یک جن و مردے بوتگ‌اَنت گۆن آیانی چُکّا و جَنئے براتا، گۆن جنَگ و چۆپگ و امنیتی نیروانی بے اهترامیئے گۆما آوار جنَگ و نامالومێن جاهے برگ بوتگ‌اَنت.

اے لۆگئے مردمانی پجّار (رهیمه دهمرده)، ۳۶ سالگ، (یونس دهمرده)، ۲۹ سالگ، هر دوێن اَبدُل اَزیزئے چُکّ و (گُل مهمد گلجایی)، کساس ۴۱ سالگ [رهیمهئے مردێن] و (آرپ گلجایی)، ۱۸ سالگ گل مهمدئے چُکّ (رهیمهئے مردێن چُکّ)، دراهێن چه گوهرکۆهئے هلکئے مردمان و تپتانئے شهرا گوَشگ بوتگ‌اَنت.

گوشگ بیت که نزامی و زاتی پلاکێن مردمان گوهرکۆها گل مهمدئے لۆگا، گۆن ترسێنگ و بے ادبی کنگا یک جن و مردل و چُکّ و جنئے برات که اۆدا بوتگ گۆن جنَگ و چۆپگ و بد رپتاری آوار جتگ و نامالومێن جاهے برتگ.

اے هلکئے مردم چه سستێن مردمانی و مهمد گل لۆگئے پت کارگرے بوتگ و بے هسابێن مردم اے و آیانی ۱۸ سالگێن چُکّ و آییئے جَنئے برات یونس که چه دگه هلکیا آیانی گندگا آتکگ بوتگ اُرش برگئے وهدا نزامی نیروانی تُرسا و اشی که پروندهے آییئے واستا اڈ مبیت چێر ٹپتگ و پد چه اِشیا که نزامی نیزوانی دستا درگێجگ بوتگ آیی هم جنَگ بوتگ که یونس بێهۆش و ٹپّیگ بوتگ و گۆن نزامی نیروانی شوکرئے گۆما هۆشا آتکگ.