کُشگ بوتگێن بلۆچ ٹێلکشئے اَکس که هیرمندئے سیمسرا هنگ مرزی نیرو و تالبانی نیروانی درگیریا کُشگ بوتگ

رَسانک نیوز

چارشمبهئے بانگواها ۹ آبان ۱۴۰۳، بلۆچ ٹێلکشیئے رستگێن اَکس که ساسولیئے هلکا چه هیرمندئے دمگان درگیریے که نزامی نیروانی و تالبانی نیاما پێش آتکگ که پد چه درگیریا اے بلۆچ کُشگ بوتگ و نزامی نیروانی گۆن تالبان گێشتر چه یک ساهتیا درگیر بوتگ‌اَنت.

کُشگ بوتگێن بلۆچ ٹێلکشئے پجّار (نهیم ریگی [گلجایی])، ۲۶ سالگ، اَبدُل کئیومئے چُکّ و هاتم گلجایی سالسولیئے هلکئے مردم گوشگ بوتگ.

گێشێن هالانی رِدا، گۆن یک بلۆچ ٹێلکشیئے کُشگ بئیگا هنگ مرزیئے نزامی نیروانی دستا چارمی پاسگاها ساسولیئے هلکا، تالبانی نیروان هنگ مرزیئے نیروانی نێمگا تیرگواری کُرتگ و مزن درگیریے اے دوێن جُنزانی نیاما پێش آتکگ.

گوَشگ ببیت که هکومتی رسانکان زاهرێن درگیئے گۆما اے درگیریئے سئوب تالبانی جێڑا زمینئے سرئے واستا گوَشتگ و گوَشتگِش که تالبان نزانتی سرا اێرانئے ٹێلکشانی نێمگا تیرگواری کُرتگ و مرزبانیا هم ٹێلکشانی هئیالداریئے واستا تالبانی نێمگا تیرگواری کُرتگ.