رَسانک نیوز
یکشمبهئے سُهبا ۶ آبان ۱۴۰۳، اداره اتلاهاتئے نیروانی کلاهدوزئے هلکا چه پهرهئے دمگان دۆ ٹێلکشێن ماشینئے نێمگا تیرگواری کُرتگ و پد چه آیانی ماشینانی اۆشتارێنگا آیانی ماشینش اۆشت داتگ‌اَنت.
گێشێن هالانی رِدا، اداره اتلاهاتئے نیروانی کلاهدوزئے هلکا چا پهرهئے دمگان بێد چه پێسری اۆشتارێنگا آیانی پژو ۴۰۵ێن ماشینئے نێمگا تیرگواری کُرتگ که تیرانی آیانی ماشینا لگّتگ و نُکس داتگ و پد چه اِشیا که ماشین اۆشتاتگ، آیش نامالومێن جاهے برتگ‌اَنت.
چه دوێن رانندهانی پجارا تنیگت هالے نێست بله گوَشگ بیت آ سالم اَنت و دراهێن تیرانی که اداره اتلاهاتئے نیروانی جتگ‌اَنت آیانی ماشینا لگّتگ‌اَنت.
Be the first to comment