رَسانک نیوز
دوشمبهئے رۆچا ۳۰ مهر ۱۴۰۳، یک بلۆچ جهمنندے سلاهبندێن مردمانی تیرانی آماچ بوتگ و وتی ساهی چه دستا داتگ.
اے بلۆچ جهمنندئے پجّار (ولی میرکی[بامری])، ۴۳ سالگ، هُدابکشئے چُکّ، سور کُرتگێن و شش چُکّئے پت و دلگانئے نندۆک گوَشگ بوتگ.
گێشێن هالانی رِدا، سلاهبندێن مردمانی سئواری ماشین دلگانئے دمگان هُسئین آبادئے هلکا، آتش‌نشانیئے دێما اے جهمنندئے گوزۆکێن ماشینئے نێمگا تیرگواری کُرتگ که آییا گۆن تیرئے ورگا وتی ساه چه دستا داتگ.
چه جنۆکانی جنگئے سئوبا و آیانی پَجّارا تنیگت هچ هالے نێست.
گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.
Be the first to comment