بیرجندا یک بلۆچ بندیگے بێد چه آهری گند و نندا اێدام کنگ بوتگ

رَسانک نیوز

یکشَمبِهئے رۆچا ۲۹ مهر ۱۴۰۳، کم چه کم یک بلۆچ بندیگے اێدامئے هُکم بیرجندئے بندیگئے اُگدهدارانی دستا پد چه اِشیا که گوستگێن رۆچا اێوکێن بندگا په هُکمئے اجرا کنگئے واستا آرگ بوتگ اجرا کُرتگ.

اے بلۆچ بندیگئے پجّار (بهمن شئیه هُسئینی)، ۲۲ سالگ، مناپئے چُکّ، سور کُرتگێن و دُزآپئے نندۆک گوَشگ بوتگ.

گێشێن هالانی رِدا، بهمن ۱۴۰۱ئے سالا، گۆن مئواڈئے جُرما بیرجندا آوار جنَگ بوتگ. بهمنئے لۆگئے مردم په آهری گِندگ و نندئے واستا چه بندیگئے اُگدهدارانی نێمگا لۆٹاێنگ نبوتگ‌اَنت و آییئے هُکم بێد چه آهری گند و نندا اجرا کنگ بوتگ.

گوشگ ببیت که ۲۰۲۳ ئے سالا کم چه کم ۱۸۴ بندیگیێن بلۆچ گۆن وڑ وڑێن جُرمان اێرانئے ۲۶ دگه دگه جاهێن شهران که دُزآپ گۆن ۵۴ کس و بیرجند گۆن ۳۱ کس گێشترێن ابێد انسانی هُکما اێدامئے هُکما مهکوم کنگ و اێدام کنگ بوتگ‌اَنت که اِشانی تها کساس چار جنێن هم هست.