راسکا سلاهبندێن مردمان یک وانگجاهیئے نێمگا زاتی جێڑهانی سئوبا تیرگوار کُرتگ

رَسانک نیوز

شَمبِهئے رۆچا ۲۸ مهر ۱۴۰۳، چُنت سلاهبندێن مردما جنگلئے هلکا چه پارۆدئے دمگان راسکا یک وانگجاهیا اُرش بُرتگ و در و دیوال و کولر و دوربینانی نێمگا تیرگواری کُرتگ.

گێشێن هالانی رِدا، اے سلاهبندێن مردمان کلاشینکُپ گۆن بوتگ و زاتی جێزهانی سئوبا که گۆن وانگجاها اُگدهدارا بوتگِش، کساس زُهرئے ساهت یک و نێما اے وانگجاهئے سرا امرش بُرتگ و وانگجاها چیزّانی نێمگا چو کولر و دوربین و در و دیوالئے نێمگا تیرگواری کُرتگ و بازێن مالی نُکسے داتگ و چه اۆدا شتگ‌اَنت.

همے هالانی رِدا هکومتی رسانکان جار جتگ که دو کس که آیانی پجّار گوَشگ نبوتگ اے کارئے سئوبا دزگیر کنگ بوتگ‌اَنت.