زابلئے بندیگا یک بلۆچ بندیگے پزشکی مشکلانی رسیدگی نکنگئے سئوبا بێران بوتگ

رَسانک نیوز

پنچشَمبِه ۲۶ مهر ۱۴۰۳، یک بلۆچ بندگے که ادبئے واستا بندیگا برگ بوتگ زابلئے بندیگا پزشکی رسیدگی نکنگئے سئوبا وتی ساهی چه دستا داتگ.

اے بلۆچ بندیگئے پجّار (نوراَلی کوهکن)، ۴۲ سالگ، هاجهئے چُکّ و بزیئے هلکئے مردم چه نێمرۆزئے دمگان گوَشگ بوتگ.

گێشێن هالانی رِدا، نوراَلی کساس دو سال پێش گۆن مردم دُزّیئے جُرما زابلا آوار جنَگ بوتگ و ده سال ادبی بندیگئے هُکما بند کنگ بوتگ که چُنت رَندا بندئے تها آییئے دل اۆشتاتگ بله بندیگئے اُگدهداران آییئے سرا هچ وڑا پزشکی رسیدگی نکرتگ.

گوَشگ بیت که آیی بندیگئے تها پد چه ایست قلبی نپسی بند بوتگ و گۆن بهداریئے کارندهان بے پگریا هالی هراب و وتی ساهی چه دستا داتگ که بندیگئے اُگدهداڈان بێد چه آییئے لۆگئے مردمانی هال دئیگا نوراَلی سارتێن لۆگا بُرتگ و آییئے لۆگئے مردم گۆن اے دیگه بندیگانی گوانکان چه آییئے هالا سهیگ بوتگ‌اَنت.