چهبارا یک بلۆچ جهمنندے گۆن سلاهبندێن مردمانی تیرگواریان ٹپّیگ بوتگ

رَسانک نیوز

جُمَهئے رۆچا ۲۷ مهر ۱۴۰۳، چهبارا تئوهیدئے هئیابانا یک بلۆچ جهمنندے که دُزّان لۆٹتگ آییئے موتورا بدُزّنت آییا دێمگیری کُرتگ که دُزّان آیی تیرانی آماچ کُرتگ و آیی ٹپّیگ بوتگ.

اے جهمنندئے پجّار (واجو کاسمی پور)، کساس ۱۹ سالگ، اَبدُل لتیپئے چُکّ و چهبارئے نندۆک گوَشگ بوتگ.

گێشێن هالانی رِدا، گوستگێن شپا کساس ساهت هپت و چل دکیکتا[ چهبارا پرمانداریئے پُشتا تئوهیدئے هئیابانا دو دزّێن مردم کا موتورا سئوار بوتگ‌اَنت یک بلۆچیئے موتورا لۆٹتگ‌اَنت که ببرنتی بله آیا دێمگیری کُرتگ و دُزّان آییئے نێمگا تیرگواری کُرتگ و گۆن تیرئے لگّگا ٹپّیگ بوتگ و نادراهجاها برگ بوتگ‌اَنت.

گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.