دُزآپا یک بلۆچ جهمنندے گۆن اتلاهتئے نیروانی تیرگواریان کُشگ بوتگ

رَسانک نیوز

چارشمبهئے سُهبا ۲۵ مهر ۱۴۰۳، اداره اتلاهاتئے نیروانی دُزآپا بلوار کشاورزا پد چه اشیا که یک بلۆچ جهمنندے دُمبال داتگ راستێن تیرانی آماچ کُرتگ که آییا گۆن تیرئے ورگا سرئے نێمگا وتی ساه چه دستا داتگ.

اے بلۆچ جهمنندئے پجّار (جلیل باجیزهی)، ۲۸ سالگ، اَزیزئے چُکّ و دُزآپئے نندۆک گوَشگ بوتگ.

گێشێن هالانی رِدا، اے وئیل کساس سُهبئے ساهت هپتا پێش آتکگ که اداره اتلاهاتئے نیروان پد چه جلیلئے دُمبا دئیگا، آییش وتی لۆگانی نزیکیا تیرانی آماچ کُرتگ که گۆن یک تیریئے ورگا مان سرا وتی ساهی چه ساهی چه دستا داتگ.

گوَشگ بیت که اداره اتلاهاتئے نیروان پد چه اِشیا که جلیل کُشتگ آییئے لاش آیانی لۆگا بُرتگ و گوَشتگِش که آییا کمری کُلتئے گۆما وتکُشی کُرتگ و دراهێن هلکئے مردم گندۆک بوتگ‌اَنت و اداره اتلاهاتئے هبرش درۆگ گوشتگ.

گۆن ۲۰۲۳ئے سالائے جم بوتگێن هالان، نزامی نیروانی راستێن تیرگواری سئوب بوتگ که کم چه کم ۱۲۰ بلۆچێن جهمنند کُشگ و ٹپّیگ کنگ ببیت. اِشانی تها ۸۰ کسا وتی ساه چه دستا داتگ و ۴۰ کس ٹپّیگ بوتگ که اِشانی تها ۹ گوَنڈێن چُکّ و ۳ جنێن هست‌اِنت.