رَسانک نیوز
چارشمبهئے رۆچا ۱۸ مهر ۱۴۰۳، یک بلۆچ جهمنندے امنیتی نیروانی دستا امیرکبیرئے هئیابانا دُزآپا آوار جتگ و گۆن چار رۆچئے گوَزگا چه آییئے آوار جنگا هچ هالے چه آییا نێست.
اے بلۆچ جهمنندئے پجّار (اَبدُلّاه رودینی)، ۲۶ سالگ، سور نکرتگێن، هسنئے چُکّ و دُزآپئے نندۆک گوَشگ بوتگ.
گێشێن هالانی رِدا، اے بلۆچ جهمنند بێد چه هچ هبریا امنیتی نیروانی دستا آوار جنَگ و گۆن چار رۆچئے گوَزگا چه آییئے آوار جنگا و آییئے لۆگئے مردمانی رد گیریا امنیتی نیرو هچ پسئوے ندئینت.
چه آوار جنَگئے سئوبا، زۆرێن جُرم و چه اے جهمنندئے دارگئے جاها تان انّون هچ هالے نێست.
Be the first to comment