دُزآپا یک جهمنندێن و نامالومێن لاشے که آس جنَگ بوتگ درگێجگ بوتگ

رَسانک نیوز

چارشمبهئے رۆچا ۱۸ مهر ۱۴۰۳، یک کُشگ بوتگێن نامالومێن مردمیئے لاش که آس جنَگ بوتگ دُزآپا نبوتئے هئیابانا، هلکی مردمانی دستا درگێجگ بوتگ.

چه اے جهمنندئے پجّارا تان انّون هچ هالے نێست.

گوشگ بیت کا اے جهمنندئے لاش که یک مردم و یا چُنت مردمئے دستا کُشگ بوتگ و پدا آس جنَگ بوتگ که آییئے لاش هلکی مردمانی دستا درگێجگ بوتگ.

گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.