دُزآپا یک کسانێن بلۆچ چُکّے سلاهبندێن مردمانی دستا کُشگ بوتگ

رَسانک نیوز

دوشمبهئے رۆچا ۱۶ مهر ۱۴۰۳، یک کسانێن بلۆچے ۱۳ سالگے سلاهبندێن مردمانی دستا گۆن سارتێن سلاها دو چانکوئے ورگا وتی ساهی چه دستا داتگ.

اے بلۆچ جهمنندئے پجّار (بلال براهویی)، ۱۳ سالگ، ربانیئے چُکّ و دُزآپئے نندۆک گوَشگ بوتگ.

گوَشگ بیت که بلال یکشَمبِهئے رۆچا ۱۵ مهر چه وتی لۆگا درآتکگ و پدا واتر نبوتگ و چه آییئے هچ هالے نرَستگ بله دوشمبهئے سُهبا آییئے بے ساهێن لاش که چانکوان آییئے سێنگا لگّتگ آییئے پتئے لۆگا شێرآبادا چه دُزآپئے دمگان وئیل کنگ و درگێجگ بوتگ.

چه جنۆکانی جنَگئے سئوبا و آیانی پَجّارا تان انّون هچ هالے نێست.

گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.