رَسانک نیوز
سئے شمبهئے شپا ۱۷ مهر ۱۴۰۳، یک بلۆچ جهمنندے گۆن سلاهبندێن مردمانی تیرگواریان پهرهئے شهرا گۆن تیرئے لگّگا وتی ساهی چه دستا داتگ.
اے بلۆچ جهمنندئے پجّار (شهاب میربلۆچزهی)، شێرمهمدئے چُکّ، و پهرهئے نندۆک گوَشگ بوتگ.
گێشێن هالانی رِدا، سلاهبندێن مردم که یک پژو پارسێن ماشینیئے نندۆک بوتگ‌اَنت پد چه اشیا که شهابئے نێما تیرگواری کُرتگ و تیرانی شهابئے سر و سرێنا لگّتگ چه اۆدا تتکگ‌اَنت و جهممندێن مردمان شهاب مرگز درمانیا بُرتگ بله آییا وتی ساه چه دستا داتگ.
چه جنۆکانی جنَگئے سئوب و آیانی پَجّارا تان انّون هچ هالے نێست.
گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.
Be the first to comment