کرجا گزلهسارئے بندیگا سئے کسئے اێدام په اجرا درآتکگ که دو کس اشانی نیاما بلۆچ اَنت

رَسانک نیوز

چارشمبهئے شپا ۱۸ مهر ۱۴۰۳، کم چه کم سئے بندیگ کرجئے بندیگا گۆن مئوادئے هُکما اێدام کنگ بوتگ و ۱۶ مهرا اێدامئے هُکمئے اجرا کنگئے واستا کرجا گزلهسارئے اێوکێن بندیگا برگ بوتگ.

دو بلۆچ بندیگانی پجّار (اهمد نارویی)، ۳۳ سالگ، انورئے چک و (مهمد اسهاک زهی)، ۳۱ سالگ، یوسپئے چُکّ، هر دوێن دُزآپئے نندۆک و آ دگه بندیگئے پجّار که لُر اے (سعید سپایی) کساس ۵۵ سالگ و هرسینئے هلکئے مردم چه کرمانشاهئے دمگان گوَشگ بوتگ.

گێشێن هالانی رِدا، اهمد و مهمد گۆن دگه سئے مردما ۱۳۹۹ئے سالا، گۆن مئوادئے جُرما تهرانا آوار جنَگ و اے شهرئے انگلابئے آمیدگسا اێدامئے واستا مهکوم کنگ و چه گزلهسارئے بندیگا چارمی سالنا، دومی واهدا، اێوکێن بندیگا په اێدامئے اجرا کنگئے واستا برگ بوتگ.

گوشگ بیت که اے بندیگانی لۆگانی مردم سئے شمبهئے رۆچا ۱۷ مهر وتی آهری گند و نند کرتگ‌اَنت.

گوشگ ببیت که ۲۰۲۳ ئے سالا کم چه کم ۱۸۴ بندیگیێن بلۆچ گۆن وڑ وڑێن جُرمان اێرانئے ۲۶ دگه دگه جاهێن شهران که دُزآپ گۆن ۵۴ کس و بیرجند گۆن ۳۱ کس گێشترێن ابێد انسانی هُکما اێدامئے هُکما مهکوم کنگ و اێدام کنگ بوتگ‌اَنت که اِشانی تها کساس چار جنێن هم هست.