رَسانک نیوز
گوستگێن رۆچا ۱۲ مهر ۱۴۰۳، یک بلۆچ جهمنندے دُزآپا سلاهبندێن مردمانی تیرگواریان تیرانی آماچ بوتگ و وتی ساهی چه دستا داتگ.
اے بلۆچ جهمنندئے پجّار (اَبدُلّاه نارویی)، ۲۰ سالگ، همیدئے چُکّ و هسارویئے مردم چه دُزآپئے دمگان گوَشگ بوتگ.
همے هالانی رِدا، گۆن یک جێڑه و درگیرے که گۆن اِشی و یک گروهیئے مردمانی نیاما پێش آتکگ، تیرگواریئے سئوب بوتگ که اَبدُلّاه گۆن تیرئے لگّگا وتی ساها چه دستا دنت.
گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.
Be the first to comment