رَسانک نیوز

ٹایم ماهتاک که چَه ۲۰۰۴آ بگر تان انّون دگنیائے تها ھر سال یک سد پرسۆبێن جنێنان گچێن کنت و دێما کاریت، آییا “یک نێمگی بلوچ” گلئے مسترێن باسکاه چه یکّے ڈاکٹر بانک “مھرنگ بلۆچ”ئے نام ھم لڑئے تها هئوار کُرتگ.

ٹایم ماهتاکا مھرنگ بلوچئے بابتا نبشته کُرتگ: “چه ھرچ اُمێتئے با وجود که آ [پدا زندگ بئیۆکێن بلنچ راجئے تها] نمائندگی کنت، مھرنگ بلۆچا اے گپئے سرا دلجمی نێست که آ کدی هما رۆچا گندیت که آییئے چاگردا دگه آشۆب مبیت۔ اے 31 سالگێن ڈاکٹر، که آزار و ازیتئے آماچ بوتگ و آزار و ازیت، دزگیر و ترورئل جهدئے آماچ بوتگ، گوَشیت : “پاکستانئے تهد مئے زندئے ھال و اھوال ھچ وڑا پَدّر نه‌اِنت.

گوَستگێن دو دهیان بلۆچانی تها یک انگلابیئے سرا سرکارئے جنگانی گۆما بازێن زۆراکیا بێگواہ کنگ و بێد اَدالتئے کشگئے سئوب جۆڑ بوت. که گوَشگ بیت کہ اسیئل تها مهرنگئے پت هم هئوار اِنت که آییئے لاش ۲۰۱۱ئے سالا دست کپتگ.

چاگردئے بازێن مردێنانی بێگواہ یا کُشگا پد، نون مھرنگئے وڑێن جنێن آدم دێما اَنت، په بلۆچئے ھکّا په امن و اێمنیا جنگا اَنت۔ گوَستگێن دسمبرا آییا سدان جنێن آدمانی سرۆکیا دارُل هکومت اسلام آبادا دراجێن مارچئے سرا شتگ و وتی مرد، زهگ و براتانی انساپئے لۆٹ کُرتگ.

مارچا بلۆچ جنزئے نێمگا بے درورێن دلگۆش گوَر کُرت، و مھرنگئے باور اِنت که آییئے جۆڑ کُرتگێن زرمبش برجاہ مانیت۔ آ گوَشیت: ھترہ باز اَنت، سرکوب باز اَنت بله پدا ھم … ما پہ انسانیتا جنگ کنێن.