رَسانک نیوز
شَمبِهئے رۆچا ۷ مهر ۱۴۰۳، یک بلۆچ جهمنندے گۆن سلاهبندێن تیرگواریان وتی لۆگئے دپا کساس سربازئے گاڑیانی ایستگاها تیرانی آماچ بوتگ و گۆن چُنت تیرئے ورگا وتی ساهی چه دستا داتگ.
اے کُشگ بوتگێن بلۆچ جهمنندئے پجّار (نبی سنجرانی)، و پهرهئے نندۆک گوَشگ بوتگ.
گێشێن هالانی رِدا، کساس سُهبئے ساهت پنچ و چل پنچا، سلاهبندێن مردمان سربازئے ماشینانی ایستگاها اے جهمنند چه وتی لۆگا در بوتگ و هئیابانئے سرا رئوگا بوتگ تیرانی آماچش کُرتگ و اے جهمنند تچگئے وهدا تیری وارتگ و وتی ساهی چه دستا داتگ.
چه جنۆکانی پجّار و آیانی جنَگئے سئوبا هچ هالے نرستگ.
گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.
Be the first to comment