رَسانک نیوز

سئے شَمبِهئے بانگواها ۱۰ مهر ۱۴۰۳، شستون و کوهکئے راها یک تریلی و وانتیا که اپگانستانئے مردمی سئوار بوتگ ڈیکّر وارتگ و سئوب بوتگ که ۱۱ کس بێران و ۴ کس ٹپیگ ببیت.

اے وئیل کساس بانگواهئے یکّا و اے راهئے ۶۵ کیلومتریا بوتگ و وانتێن ماشین گۆن ۲۳ مردما گوزگا بوتگ که تریلیئے ڈیکّر ورگا گۆن دو کس چه تریلیئے مردمان ٹپّیگ و ۱۴ کس چه وانتئے مرمان ٹپیگ و ۱۱ مردما وتی ساه چه دستا داتگ.

گوَشگ بیت که ۱۱ مردم چه وانتئے نندۆکان اے تسادپئے تها بێران بوتگ که شش ساهت زهمتئے گۆما، بێران بوتگێن مردم هلال اهمرئے مردمانی دستا آزات کنگ بوتگ‌اَنت.