رَسانک نیوز

چارشمبهئے رۆچا ۴ مهر ۱۴۰۳، گۆن کپسولئے ترکّگ و آس گرگا یک لۆگیا رشتئے شهرا شهریورئے ۲۵ می رۆچا شش بلۆچ جهمنندێن کارگر ٹپّیگ بوتگ، دو مردم چه اِشان پد چه ده رۆچئے سُچگئے تهمبل کنگا وتی ساهش چه دستا داتگ و چار مردم انگت نادراهجاها درمان بئیگا و هالش هراب اِنت.

هال وشّ، دو بێران بوتگێن جهمنندئے پَجّارا (یاسر نارویی)، ۲۰ سالگ، هُدا نزرئے چُکّ و (مهمد امین نارویی)، ۲۳ سالگ، و یکّے چه ٹپّیگ بوتگێنانی پَجّارا (یاسین نارویی)، هُدا نزرئے چُکّ و یاسرئے برات گوَشتگ و هر ششێن ٹپیگ و بێران بوتگێن دُزآپئے جاده کدیمئے مردم گوَشتگ‌اَنت.

گێشێن هالانی رِدا، یک کپسول گازیئے ترکّگا چه پیک نیکئے وڑان، یک اجارهی لۆگیا آشپزیئے وهدا، جهمنندێن بلۆچ که په نبیگئے جم کنگا سرڈگارئے شمالئے نێمگا شتگ‌اَنت، وتی کارگری لۆگا گۆن آس سۆچیا سکّ ٹپّیگ بوتگ‌اَنت که دو مردم چه اِشان پد چه ده رۆچئے ٹپّانی تهمبل کنگا نادراهجاها وتی ساهش چه دستا داتگ و چار مردم چه ٹپّیگ بوتگێنان هالش هراب اِنت و نادراهجاها دئوا و درمان بئیگا اَنت.