رَسانک نیوز

پنچشَمبِهئے بانگواها ۵ مهر ۱۴۰۳، یک بلۆچ بندیگیئے اێدامئے هُکم که سئے شَمبِهئے رۆچا ۳ مهر ماه دُزآپئے مرکزی بندیگا هپتمی بندا اێوکێن بندا برگ بوتگ، بندیگئے کارِندهانی دستا اجرا کنگ بوتگ.

اے بلۆچ بندیگئے پجّار (امانُلّاه نهتانی [گمشادزهی])، ۴۱ سالگ، مهبتئے چُکّ، سور کُرتگێن و شێب گورهئے هلکئے مردم چه زهکئے دمگان گوَشگ بوتگ.

گێشێن هالانی رِدا، امانُلّاه ۱۳۹۸ئے سالا مئواد مهدرئے جُرما زابلا دزگیر کنگ بوتگ و چه اے شهرئے انگلابئے آمیدگسا اێدامئے واستا مهکوم کنگ و ۱۴۰۲ئے آبانا، چه زابلئے تاگزی مرکزی بندیگا برگ بوتگ.

گوشگی اِنت که اے بندیگئے آهری گِند و نند گۆن وتی هلکئے مردمانی گۆما چارشمبهئے رۆچا ۴ مهر کنگ بوتگ.

گوشگ ببیت که ۲۰۲۳ ئے سالا کم چه کم ۱۸۴ بندیگیێن بلۆچ گۆن وڑ وڑێن جُرمان اێرانئے ۲۶ دگه دگه جاهێن شهران که دُزآپ گۆن ۵۴ کس و بیرجند گۆن ۳۱ کس گێشترێن ابێد انسانی هُکما اێدامئے هُکما مهکوم کنگ و اێدام کنگ بوتگ‌اَنت که اِشانی تها کساس چار جنێن هم هست.