رَسانک نیوز

سئےشمبه رۆچا ۳ مهر ۱۴۰۳، بنیاد مسکنئے کارندهان گۆن پیریئے سرمستریا و انتزامی نیروانی همراهیا جهمنندێن بلۆچانی چُنت لۆگ رمینئے هلکا چهبارئے دمگان بێد چه لۆگئے واهُندان هازر بیگا هراب کُرتگ.

یکّے چه جهمنندان که لۆگی هراب بوتگ گوشیت (سُهبئے سرا که ما وتی چُکّ وانگجاها برتگ‌اَنت وهدے که واتر کُرتگ ما دیستگ که مئے لۆگ هراب اَنت و انّون بێد چه لۆگا چے بکنێن و کجا برئوێن).

۲۰۲۳ئے میلادی سالا گۆن جم کُرتگێن هالان، امنیتی نهاد و اێرانئے جمهوری اسلامیئے دئولتا، بلۆچ نندێن ملکان کم چه کم ۲۱ جاها، لۆگش هراب کُرتگ و مردمانی زمینش زۆرئے سرا برتگ‌اَنت. گێشترێن زۆرگیری چهبارئے تهد گۆن هشت جاها و دُزآپئے تها گۆن هپت جاها گوَشگ بوتگ.